借錢就緊係還得越少越好。想減低借私人貸款成本或者還少d？選擇成本較低嘅私人貸款產品可以幫你慳唔少錢。但係點樣開始去選擇？咁就要知道咩係月平息，咩係實際年利率，同埋注意仲有咩野費用會涉及等等。

什麽是月平息

香港注冊嘅銀行或者財務公司所提供嘅私人貸款產品有分浮動利息同埋固定利息兩種，但絕大部分都係以固定利息計算，而月平息就係説明還款人每月需要還嘅固定利息。同浮動利息唔同嘅係，當貸款係以月平息計算（即固定利息），還款人每月還款後個本金會慢慢減少，但每月需要交付嘅利息都不會改變。月平息計算可以幫助還款人更容易咁掌握自己每月的開支。

什麽是實際年利率

大家可能見過好多廣告推廣私人貸款時以0%利息作為賣點嚟吸引客戶。雖然呢類私人貸款係0%，但事實上0%利息絕不等於你借錢時後不使付出任何成本，因為借錢成本隱藏係其他收費，例如手續費、服務費等等，故此銀行或者財務公司就要按相關規定想借款人顯示實際所需要付出的百分比。實際年利率（APR) 因此而出現。實際年利率簡單嚟講就係反映借錢成本嘅指標。

換句話說，如果你只留意月平息去決定借唔接錢，你就唔知道成個借貸成本。有另一樣野你係需要留意，除咗相關費用外，銀行或者財務公司或會推出超市贈券或者現金回贈嚟吸引客戶，呢d贈券或者回贈都係計算係實際年利率入面，從而減低實際年利率個數字。所以你借貸前最好再三確認清楚。

手續費

手續費即是借貸人需要繳付嘅費用。咁有咩要留意？，有時，銀行或者財務公司會係過數俾借貸人前先扣除相關手續費。例如你接10萬，手續費合共係1萬，銀行可能只將9萬過數俾你，但你就要以10萬本金嚟還款。

提前清還費用

人生有高低起跌，不景氣時你要借錢，但你借錢後一段時間又有可能變得手頭鬆動，並打算提早還清條數減少利息開支。但事實係咪可以咁樣做？係可以提早還清，但大部銀行或者財務公司都會要求想提早清還借貸人繳交罰息費用。

逾期罰息

另一種罰息就同上述提前清還費用剛剛相反，如果借貸人遲了繳交每月還款額，銀行或財務公司就一定會收取逾期罰息費用。所以準時還款係非常重要。

巴利