究竟有咩原因會令一個人想45歲提早退休？但另外亦會有人想做到70歲？澳洲政府部門ASIC(Australian Securities & Investment Commission)係2010年曾做過一個調查，調查結果顯示令人想退休嘅原因並唔係就咁話鍾唔鍾意份工咁簡單。

以下有幾個原因導致有人安排提早退休：

 工作不愉快

試問一下，有邊個人未試過因為工作壓力大而有一剎那想辭職嘅念頭？當人差唔多到退休年齡時，都會越來越多「我受夠喇」呢個想法，有或者會想辦法剋服壓力，呢一刻都係導致退休嘅原因·。

揾唔到工做

當年紀較大嘅人因雇主裁員而失去工作後，一般都會面對好難揾工嘅情況。呢類人通常都係因為冇辦法而被逼提早退休（尤其係過往未遇過揾唔到工嗰批）

子女出身，離開屋企

好多父母都係因為同自己承諾過要照顧子女，所以一直堅持繼續做嘢。但當子女長大後有自己家庭，經濟上又能夠獨立後，父母都會考慮退休。

健康理由提早退休

有時，有人會因為健康理由促使考慮提早退休。有人會因為大病過後覺得應該要係有生之年好好享受而退休，亦有人因為健康狀況問題唔能夠工作而退休。

意外之財

中六合彩、繼承遺產都會令人一夜之間多一大筆錢，誘使人退休。得到意外之財嘅未必馬上辭職退休，但都一定會冇曬財政壓力，同埋積極計劃投資、旅游、吃喝玩樂。

受親朋慼友影響

有人提早退休係因為睇到身邊有已退休親人、朋友好享受緊生活。另一方面，有人可能睇到親朋慼友冇安排退休嘅苦況而驅使自己應該預早安排退休，避免重蹈覆轍。

天時地理人和

最後，有人提早退休純碎因為覺得已配合天時地利人和。例如，已經供斷層樓，冇子女負擔，覺得係時候改變人生等等。

如果你正打算退休，你需要幾多錢先能夠應付退休支出？

你可能最終會出乎意料地需要提早退休。如果你而家就開始計劃退休，咁當以上退休原因出現時，你就有兩手準備。

巴利